Вільня 1989

Вільня. 18 сакавіка 1989 г. 125-я ўгодкі з дня пакарання смерцю Кастуся Каліноўскага. Мітынг прадстаўнікоў мінскіх і віленскіх суполак.

25 чэрвеня 1989 г. Вільня. Турава гара. Дэлегацыя Устаноўчага з’езду БНФ “Адраджэньне” накіроўваецца на ўскладанне вянка на месца пакарання смерцю К.Каліноўскага. Вянок нясуць старшыня клуба “Спадчына” (Мінск) Анатоль Белы і старшыня клуба “Сябрына” (Вільня) Валянцін Стэх.

Вільня. 18 сакавіка 1989 г. Лукішская плошча. Ускладанне вянка на месца пакарання смерцю К.Каліноўскага старшынёй клуба “Спадчына” А.Белым і супрацоўніцай мастацкага музея Ларысай Барсуковай.

Вільня. 18 сакавіка 1989 г. Лукішская плошча. Месца пакарання смерцю К.Каліноўскага.

Дэлегаты Устаноўчага з’езда БНФ слухаюць прамову А.Белага.

Вільня. 18 сакавіка 1989 г. Лукішская плошча. Стаяць Язэп Янушкевіч, крайні справа Анатоль Белы.

Вільня. 18 сакавіка 1989 г. Лукішская плошча. Месца пакарання смерцю Кастуся Каліноўскага. Выступае Анатоль Белы.

Вільня. Каля Базылянскіх муроў (Віленскі універсітэт).

Паштовая папера з выявай партрэта Кастуся Каліноўскага. 1988 г., фармат А4, 500 экз.

Капліца ля вёскі Мілавіды Баранавіцкага раёна  (узведзена ў 1933 г.). Тут беларускія паўстанцы ўпершыню атрымалі перамогу над царскімі войскамі.

Карта бітваў і сутычак паўстанцаў Кастуся Каліноўскага з расійскімі карнікамі ў 1863 – 1864 гг., складзеная Станіславам Зелінскім.

Экслібрыс-брэнд Анатоля Белага з выявай К. Каліноўскага. Паштовая папера. 500 экз.

Юзаф Каліноўскі.

Вільня. 1959 г. Мастак Пётра Сергіевіч каля сваёй карціны “Кастусь Каліноўскі і В.Урублеўскі на аглядзе паўстанцаў”

Верасень 2003 г. Старадарожскі нацыянальна-мастацкі музей А.Белага. “Конная скульптурная кампазіцыя “Кастусь Каліноўскі. 1863”. 2993. Дрэва, разьба. 180х180 см. Кіраўнік праекта Анатоль Белы, кардон – Анатоль Крывенка, разьба па дрэве народнага майстра Міхася Небышынца.

Верасень 2003 г. Старадарожскі нацыянальна-мастацкі музей А.Белага. Першая конная скульптурная кампазіцыя ў Беларусі. Першы помнік К.Каліноўскаму ў гонар 155-годдзя паўстання 1863 г. у Беларусі пад кіраўніцтвам К.Каліноўскага (дрэва, разьба, 180х180 см). Каля помніка стаяць Міхась Белы, Ягор Белы, Ала Белая, і рэзчык народны майстар Міхась Небышынец. Помнік манціравалі Міхась Белы, Ягор Белы, Анатоль Белы, Міхась Небышынец.

Старадарожскі нацыянальна-мастацкі музей А.Белага. Эскізны прает помніка “Кастусь Каліноўскі”. Аўтар Мікола Лышчык.  Гіпс таніраваны. 50х5-х25 см. 1992 г.

Красавік 2008 г. Вільня. Лукішкінская плошча. Месца пакарання смерцю Кастуся Каліноўскага. Каля помніка стаіць Анатоль Белы.

Кадр з кінафільма “Кастусь Каліноўскі”. Беларуская кінастудыя. 1928 г. Сцэнарый і рэжысура У.Гардзіна. У ролі К.Каліноўскага артыст Мікалай Сіманаў.

1 лістапада 1988 г. Траецкае прадмесце. Адкрыццё выстаўкі “Кастусь Каліноўскі і студзеньскае паўстанне 1863 г. у Беларусі” з калекцыі Анатоля Белага.

На пярэднім плане стаяць: А.Белы і кіраўніцтва Беларускага фонда культуры.

1 лістапада 1988 г. Траецкае прадмесце. Адкрыццё выстаўкі “Кастусь Каліноўскі і студзеньскае паўстанне 1863 г. у Беларусі” з калекцыі Анатоля Белага. Выставачная зала аб’яднання дзяржаўных літаратурных музеяў, Старавіленская, 14. Экспазіцыя выстаўкі.

22 студзеня 1986 г. Пасяджэнне клуба “Спадчына”. Мендзялеева, 3.  Выступае пісьменнік і даследчык жыцця і дзейнасці К.Каліноўскага Генадзь Кісялёў. На гэтым пасяджэнні сябры клуба прынялі рашэнне аб напісанні звароту ў вышэйшыя партыйныя і савецкія органы наконт ушанавання 150-х угодкаў з дня народзінаў К.Каліноўскага і 125-годдзя студзеньскага паўстання 1863 года ў Беларусі.

Пасяджэнне клуба “Спадчына”. Мендзялеева, 3. Сябры клуба абмяркоўваюць зварот аб ушанаванні памяці Кастуся Каліноўскага.

У Вільні ўшанавалі памяць Кастуся Каліноўскага

21 сакавіка 2010г. Вільні ўшанавалі чарговую гадавіну з дня смерці нацыянальнага героя Кастуся Каліноўскага.

22 сакавіка ў далёкі 1864 г. царскія акупанты павесілі на Лукішскай плошчы Вільні таго, хто змагаўся за нашу свабоду.
Такім чынам сёння тыя, хто лічыць сябе беларусам і неабыкавы да лёсу свае шматпакутнае Бацькаўшчыны сабраліся, каб аддаць памяць і даніну павагі слаўнаму сыну нашае зямлі. Беларусы могуць ганарыцца, што ў іх жыцці быў Кастусь Каліноўскі. І сёняшні дзень засведчыў пра гэта. Вуліцамі Вільні пад бел-чырвона-белымі сцягамі і старажытным гербам Пагоня пракрочыла калона беларусаў Вільні. І можна так сказаць, яны прайшліся апошнім зямным шляхам Кастуся Каліноўскага. Яго цела з Лукішскага пляцу царскія сатрапы перавезлі і пахавалі ў брацкай магіле на гары Гедыміна, дзе ў той час і стаяў расейскі гарнізон. Пасля рускія акупанты знішчылі і гэта месца, дзе спачываў вечным сном наш нацыянальны герой. І сёння беларусы, ушаноўваючы памяць слыннага сына свайго народа, прайшлі тымі месцамі, дзе наш герой адыходзіў у Нябесную Беларусь.
Прыемна было адзначыць, што ў гэты дзень сабраліся беларусы Вільні, якія прадстаўлялі многія накірункі і розныя палітычныя погляды. Кастусь Каліноўскі ў гэты дзень аб'яднаў разрозненныя шэрагі беларускай супольнасці крывіцкай Меккі.
Арганізатарамі былі Таварыства беларускай культуры ў Літве і Беларуская нацыянальная памяць.