ЗОЛАК Янка

(сапр. Даніловіч Антон Міхайлавіч. 14.11.1912, в. Лучнікі Слуцкага р-на Мінскай вобл.), беларускі пісьменнік. Брат Алеся Змагара (беларускі пісьменнік). Скончыў Мінскі педагагічны тэхнікум (1935). З 1935 працаваў настаўнікам у школах Бабруйскага р-на, адначасова вучыўся ў Аршанскім настаўніцкім інстытуце. У пачатку 2-й сусветнай вайны вярнуўся ў родную вёску, выкладаў у школе, працаваў у акруговым аддзеле самапомачы і ў рэдакцыі “Газеты Случчыны”. Выехаў у Германію (1944), жыве ў ЗША (1952). Першы верш надрукаваў (1930). Абсяг яго паэзіі часу выгнання – вершы роздуму, суму па страчанай Беларусі і маладосці, прысвечаныя каханню, прыгажосці прыроды, гумарыстычныя. Аўтар зборнікаў “За чужы грэх” (1958), “Агонь душы” (1979), аповесцяў “Т.Д.Ч.” і “Ціхі Стаў”.

У Старадарожскім мастацкім музеі экспануецца твор:

Анатоль Змітравіч Крывенка (1942. Мінск).

“Партрэт паэта, празаіка, друкара Янкі Золака”. 1996.

ДВП, алей. 40х30 см