|
БАЛАДА СТАНІСЛАВА БУЛАК-БАЛАХОВІЧА |
|
БАЛАДЫ БЕЛАРУСКАГА ШЛЯХУ
|
|
БАЛАДА СТАНІСЛАВА БУЛАК-БАЛАХОВІЧА
(10.02.1883—10.05.1940)
Беларускага войска конніца
І сваім, і чужынцам помніцца.
Кроў пралітая не змываецца,
Ды з крыві выплывае раніца,
Наша раніца, наша вечная,
Што пачата ад Шляху Млечнага,
Па якім зноў прыходзіць конніца,
Па якім і сягоння гоніцца
За чужынцамі, што нязводзяцца
На зямлі, дзе ўсе з намі родняцца
Хто прыходзіць да нас не біцца…
Пыл за конніцай зноў клубіцца
І хаваецца ў пыле конніца,
А дарога яе не скончыцца,
Бо наперадзе ты і раніца,
У якой Беларусь прачынаецца…
|
