[Абрагамовіч    (Ян); 7 — 19.4.1602]

Староста лідскі, ваявода мінскі (1593) i смаленскі (1596), пісьменнік. Паходзіў са старажытнага роду Абрагамовічаў, якія славіліся багаццем i адукаванасцю. Удзельнічаў у кальвінісцкіх дыспутах з езуітамі, у Торунскім сінодзе (1595), у нарадах з праваслаўнымі ў Вільні (1599). Выдаў у Вільні (1598) евангелічны «Катэхізіс», які змяшчаў да 300 рэлігійных песень. Яму таксама прыпісваюць аўтарства твора «Погляды літвіна на танную куплю i даражэйшы продаж збожжа» (1595, на польск. мове), дзе аўтар вы­ступав асветным тлумачальнікам i абаронцам свабоды гандлю. У Варнянах (Гродзенская вобл.) заснаваў кальвінісцкі сабор, бальніцу, школу, якія існавалі да сярэдзіны 17 ст.