Філосаф 1й паловы 18 ст. Даты жыцця, месца нараджэння i смерці невядомы. У курсе філасофіі, якую выкладаў А. у 1730я гады ў Гродне, пераважалі арыстоцелеўская логіка i метафізіка. Курс логікі пачынаўся раздзелам «Малая логіка, або Дыялекты­ка». Потым ішла «Вялікая логіка, або Проста логіка». У дыялектыку А. уключаў вучэнне пра тры дзеянні розуму (пра паняцці, суджэнні i вывады), а таксама вучэнне пра метад, дзе выкладаліся прыёмы навучання л'огіцы. У 2й частцы ён разглядаў універсаліі, ix адносіны да рэчаіснасці, праблемы агульнага i адзінкавага, г. зн., па сутнасці, тэарэтыкапазнавальныя прабле­мы. Значную частку курса дыялектыкі займалі аперацыі мыслення. Першым разглядалася паняцце. У яго разуменні суадносін знака, сэнсу, значэння, вобраза i паняцця, вызначэнні тэрміна выяўлялася філасофская арыентацыя на пазіцыі памяркоўнага наміналізму.