Паэт, каталіцкі прапаведнік. Нарадзіўся на Міншчыне ў сям'і мсціслаўскага скарбніка Адама Бака. У 1740я гады жыў у Мінску. Потым вёў місіянерскую дзейнасць у Навагрудку i Вільні. Аўтар напісанага ў стылі барока паэтычнага зборніка «Заўвага аб непазбежнай смерці» (1766), дзе побач з усхваленнем звышнатуральных сіл i асуджэннем «марнасці быцця» крытыкаваў прыгоннікаў, якія не дбаюць пра сваіх сялян. Быў папулярны на Беларусі i ў Літве ў 18 ст. Стыль верша складання Б. выкарыстоўвалі В.ДунінМарцінкевіч i У.Сыракомля.